主页 > D管生活 >LEGO机动海盗船真係识郁港人设计等你投票 >


LEGO机动海盗船真係识郁港人设计等你投票

发表于2020-06-07

LEGO机动海盗船真係识郁港人设计等你投票

LEGO Idea畀玩家将自己嘅设计变成现实,玩家将自己嘅设计放上网畀全球LEGO爱好者投票,如果限时内有足够票数,LEGO经审核及改动后就会将推出市场,变成正式产品。最近笔者发现一位本地LEGO迷将个好正嘅设计放咗上LEGO Idea,值得各位玩具玩家支持!

记得LEGO曾推出摩天轮套装,只须轻轻改装就可以自行转动,非常吸引,首批水货到港时炒贵足足一倍。最近有位本港LEGO迷兼巴打Ken设计出可动机动海盗船,放上LEGO Idea畀大家投票,只要够一万票就会俾LEGO审批。话就话Ken係巴打实有分加,但海盗船本身先係重点,于是笔者冒住被起底嘅危险,亲身去访问Ken同睇实物。原来Ken玩LEGO嘅日子唔长,大约只有半年,但呢只海盗船已经係佢第二次递交上去嘅设计。

LEGO机动海盗船真係识郁港人设计等你投票

◆ 阿Ken同佢亲自设计嘅LEGO海盗船。

LEGO机动海盗船真係识郁港人设计等你投票
◆ 后面机动组设计成一间屋仔咁。LEGO机动海盗船真係识郁港人设计等你投票
◆ 船上面啲玩家表情丰富!LEGO机动海盗船真係识郁港人设计等你投票
◆ 售票处有咁多人嘅?LEGO机动海盗船真係识郁港人设计等你投票
◆ 最奇係佢侧边仲有间卖热狗嘅舖仔,谂住啲人玩完呕完会想食嘢?

**由于现场光线关係,部份相片由Ken放上嘅LEGO Idea页面撷取,如大家想再睇真啲亦可以上去佢另一个相簿睇睇。

「我之前设计咗架火车放上去,但最后冇乜人理,所以我把心一横设计个更劲嘅出嚟,结果砌咗呢只海盗船。」笔者未问Ken就主动讲,可见佢心里面团火烧得几咁旺盛。细问之下原来阿Ken只係爱上咗LEGO半年,早期因为本身锺意火车但有感LEGO嘅火车都唔太仔细,所以设计咗架非常精细嘅火车放上去LEGO Idea,可惜呢架火车最后并未得到世界各LEGO Fans嘅青睐。原本笔者以为可以设计出呢只可动嘅海盗船,Ken嘅工作一定同工程有关,但原来佢嘅工作同埋大学所修嘅科目都同工程方面风马牛不相及,加上Ken只係玩咗LEGO咁短时间,令笔者佩服。

海盗船造得非常精细,但代价係要用多好多粒件,难免会令船身增重,所以海盗船郁起嚟间唔中有啲唔畅顺,而且两边摇得唔太够高,但係喺冇专用组件嘅前提下设计出嚟,加上只用咗LEGO原装最细果只摩打,做到呢个效果已非常难得。除咗机动部份,成套海盗船设计亦见细心,配合「海盗船」而沿用咗「海盗」为设计主题,船上玩家嘅趣怪表情有刻意选择过,而售票处、机动室及动力组件都有真实地重现,LEGO迷一定会一见倾心。如果大家同笔者一样觉得只海盗船好正,就唔好吝啬你手上一票喇!只要到以下连结,登记个LEGO ID就可以投到,希望下年见到呢只海盗船有得卖啦。



后话:上到Ken屋企,佢畀埋之前设计嘅火车笔者睇,一个字:超级正!

LEGO机动海盗船真係识郁港人设计等你投票
◆ Ken係参考真实设计,比例上同时跟足LEGO火车系列,可以喺LEGO火车轨上面行走。LEGO机动海盗船真係识郁港人设计等你投票
◆ 除咗可以郁,仲有好多灯。LEGO机动海盗船真係识郁港人设计等你投票
◆ 车箱可以打开睇到入面啲乘客。

上一篇:
下一篇: